StopCoV.ge 🇬🇪
StopCoV.ge 🇬🇪
კორონავირუსის განახლებული სტატისტიკა:

• კორონავირუსის დადასტურებული შემთხვევა - 214871, ბოლო 24 საათში - 2345
• მათ შორის გამოჯანმრთელებული - 191968, ბოლო 24 საათში - 3560
• მათ შორის გარდაცვლილი - 2233, ბოლო 24 საათში - 51
• ბოლო 24 საათში ჩატარებული კვლევა ტესტით - 14457, მათ შორის ანტიგენის სწრაფი ტესტით - 8359, PCR ტესტით - 6098
• კარანტინის რეჟიმში - 455
• სტაციონარში მეთვალყურების ქვეშ - 6270
• კლინიკურ სასტუმროში მყოფი პირები - 1600

დამატებითი ინფორმაცია: https://stopcov.ge
StopCoV.ge 🇬🇪
პაატა იმნაძე - შეზღუდვების მთავარი მიზანი იყო, შემთხვევების კატასტროფული მატება რამენაირად შეგვეჩერებინა, რაც საბედნიეროდ, მოხერხდა

„ნოემბრის თვის აქტივობებმა იქამდე მიგვიყვანა, რომ დღიურად 5 000 შემთხვევაზე ვიყავით გასული და საბედნიეროდ, ორივე მოხერხდა – მატებაც გაჩერდა და კლების ტენდენცია მართლა იგრძნობა. იმედი გვაქვს, ეს მომავალ დღეებშიც გამოჩნდება. ახლა, მთავარი და ძირითადი გამოწვევა იქნება 24 დეკემბრის მერე შეზღუდვების შემსუბუქება“, – განაცხადა იმნაძემ.

დეტალური ინფორმაცია: http://gov.ge/s/647c9
StopCoV.ge 🇬🇪
რატომ არ იხსნება ბაზრობები? - ნათია თურნავას განმარტება

"ვფიქრობთ, ბაზრობების სტრუქტურიდან გამომდინარე, რთული იქნება ამ შეზღუდვების დაცვა, რადგან ბაზრობები არის დიდი სივრცეები, სადაც ძალიან ბევრი ცალკე იურიდიული პირია და რაც არ უნდა ითქვას, ბაზრობების ადმინისტრაციას გაუჭირდებოდა სხვადასხვა მეწარმის მართვა; ასევე, ვერ აიღებდა პასუხისმგებლობას, განსხვავებით სხვა სავაჭრო ობიექტებისა. აქედან გამომდინარე, მივიღეთ ეს გადაწყვეტილება. ძალიან კარგად მესმის, რომ ეს ძალიან რთულია მათ შორის ბაზრობებისთვის, მაგრამ შეზღუდვების დაწესების პარალელურად, ჩვენ დავაანონსეთ დახმარებების მეოთხე ტალღა, მათ შორის იმ ადამიანებისთვის, ვინც დროებით დაკარგავს სამუშაოს. თვითდასაქმებულებში, ბაზრობების კონტიგენტი არის საკმაოდ დიდი. დახმარება არ არის ბევრი, მაგრამ ის მინიმუმია, რაც შეგვიძლია", - განაცხადა ნათია თურნავამ.

დეტალური ინფორმაცია: http://gov.ge/s/22070
StopCoV.ge 🇬🇪
ჰანს კლუგე გიორგი გახარიას კორონავირუსის პანდემიაზე რეაგირებასა და საყოველთაო ჯანდაცვის რეფორმაში ლიდერობისთვის მადლობას უხდის

„მადლობას გიხდით, გიორგი გახარია, „კოვიდ-19“-ზე რეაგირებასა და საყოველთაო ჯანდაცვის რეფორმაში თქვენი ლიდერობისთვის. ჯანდაცვის მსოფლიო ორგანიზაციის ევროპის ოფისი საქართველოს მოსახლეობის გვერდით დგას მათი კეთიდღეობისა და ჯანმრთელობისთვის. ჩემი პატვისცემა საქართველოში მოწინავე ხაზზე მყოფი ყველა მუშაკისადმი“, – წერს ჰანს კლუგე სოციალურ ქსელ „ტვიტერში“.

დეტალური ინფორმაცია: http://gov.ge/s/fd8f8
StopCoV.ge 🇬🇪
24 დეკემბრიდან 2 იანვრის ჩათვლით სავაჭრო ობიექტები მუშაობას განაახლებენ, მაღაზიების სამუშაო საათები კი 07:00-დან 19:00 საათამდე განისაზღვრება

24 დეკემბრიდან 2 იანვრის ჩათვლით დიდ ქალაქებში სავაჭრო ობიექტების ფუნქციონირება დაშვებული იქნება. როგორც რეგიონული განვითარებისა და ინფრასტრუქტურის მინისტრობის კანდიდატმა, მაია ცქიტიშვილმა მთავრობის ადმინისტრაციაში გამართულ ბრიფინგზე აღნიშნა, სავაჭრო ობიექტები მხოლოდ იმ შემთხვევაშ გაიხსნებიან, თუ უკვე დადგენილ და ასევე დამატებით წესებს დაიცავენ.

დეტალური ინფორმაცია: http://gov.ge/s/7ed65
StopCoV.ge 🇬🇪
ბექა ფერაძე - შეზღუდვების შემსუბუქება და გახსნა ავეჯის მაღაზიებსაც ეხება

„ეს ეხება ისეთი ტიპის ნებისმიერ სავაჭრო ობიექტს, სადაც დადგენილია პროტოკოლით განსაზღვეული მოთხოვნები. თუ მანამდე 5 კვადრატულ მეტრზე ერთი ადამიანი დაიშვებოდა, ახლა უკვე ერთი ადამიანი დაიშვება 20 კვადრატულ მეტრზე, რომელიც მკაცრად გაკონტრილდება. შრომის ინსპექცია მის ხელთ არსებულ ყველა ბერკეტს გამოიყენებს. ამ შემთხვევაში, საჯარიმო სანქცია არის 10 000 ლარის ოდენობით. ამასთან, შრომის ინსპექციას აქვს ნებისმიერი კომპანიის შეჩერების უფლებამოსილება, თუ ვხედავთ, რომ კომპანიის მენეჯმენტი ვერ ახორციელებს მოთხოვნებს, ამით კი, ეპიდემიოლოგიურად საფრთხე ექმნება თითოეულ მოქალაქეს. ჩვენ ყოველდღოურ რეჟიმში მოვახდენთ მსგავსი ტიპის ობიექტების მონიტორინგს", - განაცხადა ფერაძემ.

დეტალური ინფორმაცია: http://gov.ge/s/2204d
StopCoV.ge 🇬🇪
ნათია თურნავა - საკოორდინაციო საბჭომ გადაწყვეტილება სამართლიანობის პრინციპის დაცვით მიიღო

მსურს, განვმარტო, რომ ჩვენი გადაწყვეტილება მაქსიმალურად არის სოციალურად დაბალანსებული, რადგან ბაზრობების გარდა, სულ მცირე 20 ათასი რეგისტრირებული იურიდიული პირი და ინდმეწარმეა მთელი საქართველოს მასშტაბით, ვინც არასასურსათო ვაჭრობაშია ჩართული და არასასურსათო მაღაზიების მფლობელია, შესაბამისად, ყველა კატეგორიის მომხმარებლისთვის, ყველა კატეგორიის დასაქმებულისთვის მივიღეთ გადაწყვეტილება და და მაქსიმალური სამართლიანობის პრინციპი იქნა დაცული, – განაცხადა ეკონომიკისა და მდგრადი განვითარების მინისტრობის კანდიდატმა, ნათია თურნავამ მთავრობის უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე.

დეტალური ინფორმაცია: http://gov.ge/s/0cb98
StopCoV.ge 🇬🇪
ნათია თურნავა - შეზღუდვების და წესების დიდი ნაწილი, რაც დღეს გამოცხადდა, სწორედ სავაჭრო სექტორიდან მოდის

„ეკონომიკურ გუნდს და პირადად არაერთი შეხვედრა და კონსულტაცია გვქონდა სავაჭრო ობიექტებთან და ძალიან დიდი ნაწილი იმ შეზღუდვების და წესების, რაც დღეს გამოცხადდა, სწორედ სავაჭრო სექტორიდან მოდის, - ამის შესახებ ეკონომიკისა და მდგრადი განვითარების მინისტრობის კანდიდატმა, ნათია თურნავამ უწყებათაშორისი საკოორდინაციო საბჭოს დასრულების შემდეგ გამართულ ბრიფინგზე განაცხადა.

დეტალური ინფორმაცია: http://gov.ge/s/e803d
StopCoV.ge 🇬🇪
ნათია თურნავა: მთავრობის მიერ შეზღუდვების შემსუბუქებასთან დაკავშირებით მიღებული გადაწყვეტილება დაბალანსებული და გეგმაზომიერია

„ამავდროულად, თვითონ სავაჭრო სექტორიც მზადაა იტვირთოს ეს პასუხისმგებლობა. დარღვევების შემთხვევაში ძალიან მკაცრი ზომები იქნება გამოყენებული. ეს გადაწყვეტილება არ არის უპირობო და შეუქცევადი და როგორც კი პირველი ნიშნები გამოჩნდება, რომ რომელიმე სავაჭრო ობიექტი არღვევს არსებითად იმ შეზღუდვებს, რაზეც იყო საუბარი, სრული უფლება გვაქვს, რომ გამოვიყენოთ ჯარიმები, ასევე შეჩერების უფლება“, - დასძინა ეკონომიკისა და მდგრადი განვითარების მინისტრობის კანდიდატმა.

დეტალური ინფორმაცია: http://gov.ge/s/6ceb8
StopCoV.ge 🇬🇪
ნათია თურნავა - ინდმეწარმეებისთვის, რომლებიც სავაჭრო სექტორში მუშაობენ, დღეს მნიშვნელოვანი გადაწყვეტილება მივიღეთ

მინდა, ვთქვა, რომ დღეს ჩვენ საკმაოდ მნიშვნელოვანი გადაწყვეტილება მივიღეთ იმ ადამიანებისთვის, ინდმეწარმეებისთვის, ვინც სავაჭრო სექტორში მუშაობს, ვინაიდან მათი შემოსავლები და მათ მიერ სამუშაო ადგილების შენარჩუნება დიდად იყო დამოკიდებული გარკვეული შესაძლებლობების მიცემაზე, რომ წინასაახალწლოდ ივაჭრონ, – ამის შესახებ ეკონომიკისა და მდგრადი განვითარების მინისტრის მოვალეობის შემსრულებელმა ნათია თურნავამ უწყებათაშორისი საკოორდინაციო საბჭოს დასრულების შემდეგ გამართულ ბრიფინგზე განაცხადა.

დეტალური ინფორმაცია: http://gov.ge/s/4375e
StopCoV.ge 🇬🇪
ეკატერინე ტიკარაძე - „რემდესივირთან“ დაკავშირებით არაერთი სპეკულაციაა, ის აღიარებულია აშშ-ში, შესულია ამერიკის ინფექციონისტთა ასოციაციის პროტოკოლში, რითაც ჩვენ ვხელმძღვანელობთ

„რაც შეეხება „რემდესივრთან“ დაკავშირებულ არაერთ სპეკულაციას, „რემდესივირი“ აღიარებულია ამერიკაში ეფდიაის მიერ და ასევე შესულია ამერიკის ინფექციონისტთა ასოციაციის პროტოკოლში. ჩვენ ვხელმძღვანელობთ ამ პროტოკოლით. ამ დროისთვის შემოსულია 4 000-მდე ფლაკონი, რომელიც სავარაუდოდ 450-460 პაციენტის საჭიროებისთვისაა. პრეპარატის გადანაწილდება მოხდება შემდეგნაირად – კლინიკური ჯგუფი მიიღებს გადაწყვეტილებას, თუ რომელ კლინიკებში მოხდება პრეპარატის გადანაწილება.“, – განაცხადა ეკატერინე ტიკარაძემ ჟურნალისტებთან საუბრისას.

დეტალური ინფორმაცია: http://gov.ge/s/22e72
StopCoV.ge 🇬🇪
ეკატერინე ტიკარაძე - „კოვიდ-19“-ის მართვაში ჩართული ონლაინ კლინიკების რაოდენობა გაზაფხულის შემდეგ 25-დან 65-მდე გაიზარდა

„პირველადი ჯანდაცვის სექტორის უდიდესი როლი აქვს კოვიდის მართვაში. მიმდინარე წლის 2 აპრილიდან ჯანდაცვის სამინისტროს ინიციატივით შეიქმნა ონლაინ კლინიკების პლატფორმა, რომლის ფარგლებშიც ოჯახის ექიმების მიერ, ყოველდღიურად ხორციელდება კოვიდ პაციენტების დისტანციური მართვა. თავდაპირველად პროცესში ჩართული იყო 25 ონლაინ კლინიკა. დღეისათვის კლინიკების რაოდენობა 65-მდეა გაზრდილი. 2 აპრილიდან დღემდე ონლაინ კლინიკის ექიმების მიერ მოხდა 250 000-მდე ზარზე რეაგირება და შემდგომი მსვლელობის მიცემა“, – განაცხადა ეკატერინე ტიკარაძემ.

დეტალური ინფორმაცია: http://gov.ge/s/f3561
StopCoV.ge 🇬🇪
ეკატერინე ტიკარაძე - როდესაც მიზანმიმართული ნეგატივი მოდის დესტრუქციული ჯგუფებიდან, გავიხსენოთ, როგორი შრომის ფასად უწევთ სასწრაფოს ექიმებს სირთულეებთან გამკლავება

„მედპერსონალის საქმიანობის ნაწილში, განსაკუთრებული ყურადღება მინდა გავამახვილო გადაუდებელი დახმარების ექიმებზე, რომლებიც შესაძლებლობიდან გამომდინარე უმოკლეს დროში ახერხებენ სწრაფ რეაგირებას მოქალაქეთა დასახმარებლად.2020 წლის 1 იანვრიდან გადაუდებელი დახმარება გაეწია 1 200 000 მოქალაქეს. სასწრაფოს დაგვიანება არაერთხელ გამხდარა განსჯის საგანი, რაზეც, მინდა აღვნიშნო, რომ როდესაც ობიექტური კრიტიკა მოდის საზოგადოებიდან, მე ვარ სოლიდარული. მაგრამ, როდესაც მიზანმიმართული ნეგატივი მოდის დესტრუქციული ჯგუფებიდან, ყველამ უნდა გავიხსენოთ თუ რამდენად დიდი შრომის ფასად უწევთ სასწრაფოს ექიმებს პანდემიის სირთულეებთან გამკლავება. დღეისათვის მნიშვნელოვნად არის შემცირებული სასწრაფო დახმარების გამოძახებებზე რეაგირების დრო, შესაბამისად შემცირდა გამოძახებების დაყოვნების მაჩვენებელიც“, – განაცხადა ეკატერინე ტიკარაძემ.

დეტალური ინფორმაცია: http://gov.ge/s/588ad
StopCoV.ge 🇬🇪
ლეგალურ სექტორში 1200-ლარიანი დახმარება, ხოლო თვითდასაქმებულებს ერთჯერადად 300 ლარიანი დახმარება ექნებათ - ნათია თურნავა

"მე ძალიან კარგად მესმის, რომ მძიმეა ეს გადაწყვეტილება, მათ შორის, ბაზრობებისთვის. დავაანონსეთ დახმარების მეოთხე ტალღა და მიდის ამის იმპლემენტაცია. მათ შორის, იმ ადამიანებისთვისაც, ვინც დროებით დაკარგავს სამსახურს, ლეგალურ სექტორში იქნება 1200-ლარიანი დახმარება, ხოლო თვითდასაქმებულებს, ერთჯერადად, 300 ლარიანი დახმარება ექნებათ. ეს არ არის ბევრი, მაგრამ ეს არის ის მინიმუმი, რაც მოგვცემს საშუალებას, ადამიანების ჯანმრთელობა დავიცვათ და ცოტახნით არ მოუწიოთ ბაზრობებზე მუშაობა,"-აღნიშნა ნათია თურნავამ.

დეტალური ინფორმაცია: https://rustavi2.ge/ka/news/185546
StopCoV.ge 🇬🇪
https://www.facebook.com/GeorgianGovernment/videos/873741906755587
StopCoV.ge 🇬🇪
კორონავირუსის განახლებული სტატისტიკა:

• კორონავირუსის დადასტურებული შემთხვევა - 212526, ბოლო 24 საათში - 3064
• მათ შორის გამოჯანმრთელებული - 188408, ბოლო 24 საათში - 3740
• მათ შორის გარდაცვლილი - 2182, ბოლო 24 საათში - 42
• კარანტინის რეჟიმში - 470
• სტაციონარში მეთვალყურების ქვეშ - 6358
• კლინიკურ სასტუმროში მყოფი პირები - 1671
• ბოლო 24 საათში ჩატარებული კვლევა ტესტით - 17007, მათ შორის ანტიგენის სწრაფი ტესტით - 11288, PCR ტესტით - 5719

დამატებითი ინფორმაცია: https://stopcov.ge
StopCoV.ge 🇬🇪
https://www.facebook.com/GeorgianGovernment/videos/147345863570995
StopCoV.ge 🇬🇪
პოლიციამ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 974 ფაქტი გამოავლინა

სამართალდამცველების მიერ განხორციელებული მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 974 ფაქტი გამოვლინდა. ინფორმაციას შინაგან საქმეთა სამინისტრო ავრცელებს. პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 104 ფიზიკური პირი დააჯარიმა.

დეტალური ინფორმაცია: http://gov.ge/s/a413a
StopCoV.ge 🇬🇪
გიორგი გახარია - მსოფლიო ვეღარ იქნება ისეთი, როგორიც იყო პანდემიამდე და ჩვენი ამოცანაა, შევძლოთ პატარა უპირატესობა მოვუპოვოთ ქვეყანას, როგორ მიაღწიოს მეტ შედეგს

ეფექტიანი და პრაგმატული დიპლომატია უნდა იყოს ჩვენი ამოცანა 2021 წელს, ეს არის ერთადერთი შესაძლებლობა, როგორ შეიძლება პანდემია - გამოწვევა, ქვეყნისთვის შესაძლებლობად ვაქციოთ , - ამის შესახებ საქართველოს პრემიერ-მინისტრმა გიორგი გახარიამ საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიურ შეხვედრაზე - „ელჩების კონფერენცია 2020 - საქართველოს საგარეო პოლიტიკის პრიორიტეტები გლობალური პანდემიის პირობებში, ახალი გამოწვევები და შესაძლებლობები" სიტყვით გამოსვლისას განაცხადა, რომელიც ონლაინ ფორმატში იმართება.

დეტალური ინფორმაცია: http://gov.ge/s/1e8e2
StopCoV.ge 🇬🇪
ზაზა წერეთელი: თუ ახალ წელს ერთმანეთთან მისვლა-მოსვლას არ მოვერიდებით, შეიძლება კატასტროფული შედეგი დადგეს

ეს იმდენად ვერაგი და ამოუცნობი ვირუსია, მიუხედავად იმისა, რომ მისი გამოჩენიდან 8-9 თვე გავიდა, მეცნიერებს ჯერ ბოლომდე მაინც არ აქვთ შესწავლილი, - ამის შესახებ ნორვეგიის სამეფოს ჯანდაცვის სამინისტროს უფროსმა მრჩეველმა, ზაზა წერეთელმა, „რუსთავი 2-ის“ ეთერში განაცხადა. „თუ ჩვენ ახალ წელს ერთმანეთთან მისვლა-მოსვლას არ მოვერიდებით, შეიძლება კატასტროფული შედეგი დადგეს, ვირუსი ძალიან გავრცელდება და ჩვენი (საქართელოს) ჯანდაცვის სისტემა ამას ვერ გაუძლებს. ის შეზღუდვები, რომლებიც ამ მომენტშია დაწესებული, რბილია, შეიძლება კიდევ უფრო გამკაცრება“, - განაცხადა ზაზა წერეთელმა.

დეტალური ინფორმაცია: http://gov.ge/s/b2757
StopCoV.ge 🇬🇪
ჰანს კლუგე - საქართველოს მთავრობის რეაგირება პანდემიაზე უდავოდ სანაქებოა, ახლა მთავარი გამოწვევაა წინასაახალწლო თავყრილობები, დიდი შრომით მოპოვებული შედეგი წყალში არ უნდა ჩაიყაროს

„რაც შეეხება საქართველოს ხელისუფლების და კონკრეტულად, პრემიერ-მინისტრის მეთაურობით მოქმედი მთავრობის რეაგირებას ახალი კორონავირუსის პანდემიაზე, უდავოდ სანაქებოა. ჩვენ კლებადი მაჩვენებლების მომსწრენი ვართ. ეს, რა თქმა უნდა, გამოიწვია ქვეყანაში დაწესებულმა შემზღუდავმა ზომებმა. ახლა მთავარ გამოწვევად წინასაახალწლო თავყრილობები რჩება. დიდი შრომის შედეგად მოპოვებული შედეგი წყალში არ უნდა ჩაიყაროს წინასაახალწლო პერიოდში. მთელს ევროპაში შეინიშნება პანდემიური გადაქანცვა. გვესმის ხალხის განცდები, მაგრამ შობა-ახალი წლის წინასწარ მილოცვასთან ერთად მინდა საქართველოს მოსახლეობას ვუსურვო, უსაფრთხოდ გადაეტანოს ეს დღეები იმ პრინციპით, რომ თუ ჩემს თავს ვუფრთხილდები ე.ი. ჩემს ირგვლივ მყოფებსაც ვიცავ, რადგან მიყვარს ისინი”, – განაცხადა ჰანს კლუგემ.

დეტალური ინფორმაცია: http://gov.ge/s/27298